Hüquqi

Məxfilik siyasəti

Son yenilənmə: 26 avqust 2026

Qısa versiya: yalnız xidmətin işləməsi üçün lazım olanı toplayırıq, heç nəyi satmırıq və istədiyin vaxt silə bilərsən.

Nə toplayırıq

Telefon nömrəsi (giriş üçün), səhifənə yazdığın məzmun, texniki jurnal (IP, brauzer, giriş vaxtı), ödəniş halında əməliyyat qeydi. Kart məlumatlarını biz saxlamırıq — onlar ödəniş provayderindədir.

Ziyarətçi məlumatları

Səhifəni açan şəxsin baxış sayı və gəldiyi kanal anonim şəkildə sayılır. AI çatda yazılan mesajlar səhifə sahibinə göstərilir və 12 ay saxlanılır.

Nə üçün istifadə edirik

Xidməti göstərmək, təhlükəsizliyi təmin etmək, statistika hesablamaq və qanuni öhdəlikləri yerinə yetirmək. Reklam üçün nömrə satmırıq və üçüncü tərəfə vermirik.

AI emalı

Səhifə generasiyası və çat cavabları üçün mətn AI provayderinə göndərilir. Bu məlumat model təliminə istifadə olunmur.

Saxlanma müddəti

Hesab aktiv olduqca. Hesabı sildikdə məzmun 30 gün ərzində bərpa oluna bilər, sonra tam silinir. Mühasibat sənədləri qanunla tələb olunan müddət saxlanılır.

Sənin hüquqların

Məlumatlarına baxmaq, düzəltmək, ixrac etmək və silinməsini tələb etmək. Müraciət: info@neocard.az — 30 gün ərzində cavablandırılır.

Kukilər

Yalnız zəruri kukilər: sessiya, dil və tema seçimi. İzləyici reklam kukisi istifadə etmirik.